guritku

Sing Dak Anti-anti

Krelip lintang ing tawang

Endahing candra kang sumunar

Anggawa sliraku ing awang-awang

Sumreseping bayu neng mbun-mbunan

Tansah ngelingake sliramu

Wong kang wus mbundheli atiku

                              Doh kana, doh kene

Mung bisa sawang-sinawang

Saka tembung kang karonce

Sansaya agawe cidraning nala

Nambah kapang jroning dhadha

Dina baka dina dak lakoni

Kanthi nglangut ing sepi

Sliramu sing dak anti-anti

Tetep tuhu ing janji

Kang kaocap saka lathi

Bakal kapethuk

Nggayuh sumpena kang wus ana